इयत्ता 10 वी (SSC) मार्च 2026 परीक्षेचे गुणपत्रक व प्रमाणपत्र वितरणाबाबत महत्त्वाची सूचना
महाराष्ट्र राज्य माध्यमिक व उच्च माध्यमिक शिक्षण मंडळ, पुणे यांनी फेब्रुवारी-मार्च 2026 मध्ये घेण्यात आलेल्या माध्यमिक शालान्त प्रमाणपत्र (इ.10 वी) परीक्षेच्या गुणपत्रक, प्रमाणपत्र व इतर साहित्य वितरणाबाबत महत्त्वाचे परिपत्रक जारी केले आहे.
फेब्रुवारी-मार्च 2026 मध्ये झालेल्या इयत्ता 10 वी परीक्षेचे गुणपत्रक व प्रमाणपत्रे सोमवार, दिनांक 01 जून 2026 रोजी शाळांना वितरित करण्यात येणार आहेत.
मंडळाचे परिपत्रक काय सांगते?
राज्य मंडळाने सर्व विभागीय मंडळांना कळविले आहे की, इयत्ता 10 वी परीक्षेची गुणपत्रके, प्रमाणपत्रे व तपशीलवार गुणदर्शिका शालेय अभिलेख यांचे वाटप संबंधित विभागीय मंडळांनी सर्व मान्यताप्राप्त माध्यमिक शाळांना करावे.
यासाठी 01 जून 2026 रोजी सकाळी 11.00 वाजता विभागीय मंडळ स्तरावर साहित्य वितरण करण्यात येणार आहे. संबंधित शाळांनी साहित्य स्वीकारल्यानंतर त्याच दिवशी दुपारी 3.00 वाजता विद्यार्थ्यांना गुणपत्रक व प्रमाणपत्रांचे वितरण करावे, असे निर्देश देण्यात आले आहेत.
विद्यार्थ्यांसाठी महत्त्वाचे
- गुणपत्रक व प्रमाणपत्र मिळविण्यासाठी आपल्या शाळेशी संपर्क साधावा.
- शाळेकडून दिलेल्या वेळेनुसार उपस्थित राहावे.
- प्रमाणपत्रातील माहिती तपासून घ्यावी.
- कोणतीही त्रुटी आढळल्यास त्वरित शाळेला कळवावे.
- मूळ प्रमाणपत्र सुरक्षित ठेवावे.
शाळांसाठी सूचना
- 01 जून 2026 रोजी सकाळी 11.00 वाजता विभागीय मंडळातून साहित्य स्वीकारावे.
- त्याच दिवशी दुपारी 3.00 वाजता विद्यार्थ्यांना वितरण करावे.
- गुणपत्रक व प्रमाणपत्र वितरणाची योग्य नोंद ठेवावी.
- विद्यार्थ्यांच्या स्वाक्षऱ्या घेऊन वितरण प्रक्रिया पूर्ण करावी.
महत्वाचे
इयत्ता 10 वी मार्च 2026 परीक्षेला बसलेल्या विद्यार्थ्यांसाठी ही अत्यंत महत्त्वाची माहिती आहे. विद्यार्थ्यांनी आपल्या शाळेशी संपर्कात राहून 01 जून 2026 रोजी गुणपत्रक व प्रमाणपत्र प्राप्त करून घ्यावे.
SSC बोर्डाचे पत्र
